चिपळूण नगर परिषदेमध्ये अभिलेख व भांडार हा स्वतंत्र विभाग आहे. हया विभागामधून
नागरीकांना आवश्यक असणा-या जन्म व मृत्यचा दाखला देण्यात येतो.
नगरपरिषदेकडे जन्माचे दाखल्यांचे व मृत्यूच्या दाखल्यांचे 1920 सालापासून रेकॉर्ड
उपलब्ध आहे. अंदाजे दरवर्षाला सुमारे 7500 जन्म नोंदीचे दाखले दिले जातात व अंदाजे
2500 मृत्यूचे दाखले दिले जातात.
सुरुवातीला जन्म व मृत्यूचे दाखल्या करीता रक्कम रु. 1.70 मात्र नगरपालिका फी
अकारत होती आता सदरची फी रक्कम रु. 10/- झाली आहे.
1920 च्या दरम्यान प्रचलीत भाषा मोडी होती त्यामुळे दाखले देण्याकरीता भाषेची
अडचण येत असे ही अडचण ओळखून सन 1925 ते 50 पर्यंतचे जन्म व मृत्यूचे दाखल्यांचे
मराठीत भाषांतर करण्यात आले आहे. तसेच हया संगणकाच्या युगात नगरपालिकेने सुध्दा
भरारी मारलेली आहे. सबब सन 2002 सालापासून जन्म व मृत्यूचे दाखले संगणकीकृत केलेले
आहे व नागरीकांना तातडीने दिले जातात.
नगरपरिषदेचे जुने अभिलेख सुस्थितीत ठेवण्यात आले आहेत. शासनाचे परीपत्रकाप्रमाणे
अ, ब, क, ड असे कागदपत्रांचे वर्गीकरण करण्यात येते.
"अ" वर्गामध्ये कायम स्वरुपी जतन करण्याचे कागदपत्र येतात.
"ब" वर्गामध्ये 10 वर्षापूर्वीचे कागदपत्रांचे वर्गीकरण येते.
"क" वर्गामध्ये 5 वर्षाचे आतील कागदपत्रांचे वर्गीकरण येते.
"ड" वर्गाकरीता 1 वर्षाचे आतील कागदपत्रांचे वर्गीकरणे येते.
नगर परिषदेने
जुने अभिलेख सन 1876 सालापासून जतन केलेले आहे.
अ वर्ग कागदपत्रांमध्ये सर्वसाधारण कौन्सिल ठराव
/ प्रोसिडींग / कॅशबुक / स्थावर / जंगम मालमत्ता
नोद वही असे अभिलेख येतात.
